O loo faaaoga si o tatou atunuu e tagata o loo maua a latou tupe i auala palapala. E tusa e silia ma le $1 piliona i le tausaga o loo maua i le fefaatauaiga o fualaau faasaina ma faiga taufaasese, ma e mafai ona sao mai i auala palapala e faaaoga ai pisinisi i totonu o Niu Sila.Ua afaina ai lo tatou tauleleia ma lo tatou tamaoaiga. O lea la, ua faia ai suiga i le tulafono e puipuia ai Niu Sila ma mea uma o loo tatou mitamita ai. O lo tatou galulue faatasi e mafai ai ona maua a tatou tupe i auala e tusa ai ma le tulafono.

O LE A LEA MEA TAUA O TUPE E MAUA I AUALA PALAPALA?

A tuu i se gagana faigofie, o se solitulafono tupe o loo maua i auala palapala. O se faiga e faaaoga e tagata solitulafono e ‘teu’ ai tupe o loo maua mai i solitulafono e pei o faiga taufaasese ma fefaatauaiga o fualaau faasaina. E mafai ona latou faia auala e faigata ai ona iloa tonu le faapogai o tupe, ma faafoliga ai e peiseai e moni nei faiga. O faalapotopotoga ma tagata solitulafono o loo faatupeina faiga faaterorisi, e masani ona latou faaaogaina pisinisi ma atunuu e iai lo latou talitonuga, e le malosi a latou faiga faavae ma e faigofie ona latou faaaoga.

E tusa e silia ma le $1 piliona i le tausaga o loo maua i le fefaatauaiga o fualaau faasaina ma faiga taufaasese, ma e mafai ona sao mai i auala palapala e faaaoga ai pisinisi i totonu o Niu Sila.

O LE TELE O LE FAALETONU

O loo tupu i aso uma faiga e maua ai tupe i auala palapala i soo se vaega o Niu Sila. E tusa e silia ma le $1 piliona i le tausaga o loo maua i le fefaatauaiga o fualaau faasaina ma faiga taufaasese, ma e mafai ona sao mai i auala palapala e faaaoga ai pisinisi i totonu o Niu Sila. Peitai, e sili atu le tele o le tau o aafiaga, pe a faatusa i tupe ua taua muamua, pe a faitauina ai solitulafono uma e mafua mai i tupe “palapala” ma puapuaga e tulai mai ai.

E faaaoga foi e tagata o loo faatupeina faiga faaterorisi metotia nei e lafo ai tupe mo faiga saua, ma taumafai e faalilolilo le tagata tonu o loo lafoina ma mauaina tupe. E ui lava ina itiiti le faifai soo o auala o loo faatupeina ai faiga faaterorisi, e le aveesea ai le ogaoga o aafiaga e ono oo iai.

MALAE TAALO MO LE FANAU.

AE LE MO FEFAATAUAIGA O TAGATA.

Wharariki beach

Wharariki Beach o le matafaga i le itu sisifo o Cape Farewell, o loo i le tumutumu o le pito i matu o le Motu i Saute o Niu Sila.

PUIPUIGA O NIU SILA

O le faafaigata o auala e mafai ai e tagata solitulafono ona maua tupe i auala palapala, e mafai ona fesoasoani malosi e taofia se fuafuaga e faia ai solitulafono ao lei faataunuuina.

O loo faagaioi le tulafono Anti-Money Laundering and Countering Financing Terrorism i totonu o Niu Sila talu mai le 2013. O loo aofia i totonu o tulafono nei vaega e pei o faletupe, casino, faufautua mo mataupu tau tupe ma isi faalapotopotoga ma kamupani o loo faia auaunaga tau tupe.

Ua matou faalauteleina nei tulafono ina ia aofia ai ma:

  • Loia, fuafanua, ma faalapotopotoga ma kamupani o loo faia auaunaga tau tupe (talu mai le aso 1 Iulai 2018)
  • Suetusi ma faalapotopotoga tau suetusi (talu mai le aso 1 Oketopa 2018)
  • Kamupani faatau fanua ma fale (talu mai le aso 1 Ianuari 2019)
  • Tagata o loo faia fefaatauaiga i alagaoa taugata ma le New Zealand Racing Board (talu mai le aso 1 Aukuso 2019)

SE SULUFAIGA MO MEAOLA.

AE LE MO LE ALOFIA O LAFOGA.

Lake Kaniere

o se tasi o vaituloto pito sili ona matagofie i totonu o Niu Sila, e 19 kilomita le mamao mai le gataifale o Hokitika, West Coast o le Motu i Saute.

FAAAUAU FAIGA MASANI

Soo se pisinisi o loo faatino nei auaunaga e moomia ona iai faiga faavae ma faagasologa o auala e taofia ai tagata solitulafono mai le taumafai e faaaoga sese a latou pisinisi, ma faamautinoa poo ai tonu tagata o loo faaaogaina a latou auaunaga, ia iloa o latou tuatusi, ma e iai isi tulaga, e moomia ona iloa le faapogai o tupe o loo maua e tagata o loo faaaogaina a latou auaunaga.

O le isi itu, o pisinisi uma ma faalapotopotoga o loo faia auaunaga tau tupe ua aofia i totonu o le tulafono AML/CFT (e aofia ai ma i latou o loo iai i le vaega muamua) ua tatau nei ona latou usitaia tuutuuga mo le lipotia o mataupu, e patino i nisi o fefaatauaiga atoa ai ma faiga o loo masalomia.

O LE A SAU MEA E TATAU ONA FAI?

A talanoa faalauaitele, e leai se mea e manaomia ona fai e tagata o loo faaaogaina nei auaunaga. Pau le itu ia nofouta iai, e ono iai nisi faamatalaga e moomia mai ia te oe ao faagasolo fefaatauaiga. Tusa lava pe afai ua loa tausaga o e faaaogaina auaunaga mai pisinisi nei, latou te ono moomia pea se faamaoniaga o oe, e iai foi isi taimi, e tatau ai ona e faailoa ia i latou poo fea e maua mai ai tupe o loo e fuafua e faaaoga.

E fuafua lava faamatalaga o loo moomia mai ia te oe i le auala o loo faafoeina ai le pisinisi, poo puleaina e oe lava poo se pisinisi faapaaga, kamupani, vaega a le malo, esetete poo se faalapotopotoga tausi mavaega.

Manatua

E le o faia e pisinisi nei tulaga ona o loo latou masalomia o loo e faia auala palapala e maua ai tupe – o loo fai lo latou tiute e puipuia ai tagata uma, ma e tatau ona latou faatino galuega uma e tusa ai ma le tulafono. O lo tatou galulue faatasi e mafai ai ona maua a tatou tupe i auala e tusa ai ma le tulafono.

Scroll To Top